المساعد الشخصي الرقمي

مشاهدة النسخة كاملة : راااايح فيها ((قصة روووووووعة )) لا تفوتكم


عذب السجايا
01-08-2007, 08:22 PM
جالس في غرفته لحاله ... تدخل عليه والدته وتسأله وللمره الأخيره :
بتروح معنا ياعزوز للزواج والا ماتبي؟ ... الوقت تأخر ومارح اسألك كل شوي !
التفت على امه مبتسماً وقال / قلت لك يمّه ماابي اروح الزواج
قالت امه / بالعاده لو يتزوج واحد معرفتك فيه سطحيه وماقابلته الا مره وحده ماتترك الواجب ابد
واليوم لما صار الزواج قريب مره ماحضرت مثل عادتك
لكن على هواك ... والمثل يقول نترك الواحد على كيفه احسن
وبعد ما (( عفست )) الأم المثل القائل اكرام النفس هواها طلعت من غرفة عزوز متجه لخارج البيت
ومن ثَمَ للزواج مباشره .

جلس عزوز يفكر بينه وبين نفسه وقدامه شنطه صغيره
كانت الشنطه على الطاوله ... والتلفزيون خلفه يشتغل
كان فيه مسلسل مصري الله اعلم بطولة مين
ولكنه كان مثل اكثر المسلسلات المصريه
حشو كلام والنتيجه وحده
وللأسف الظاهر ان المصريين نقلوا العدوى للكثير من منتدياتنا : )

طلّع من الشنطه الي قدامه ظرف وجلس يتأمله قبل يفتحه
فتح الظرف وطلّع منه بعض الأوراق او نقدر نسميها رسايل
صار يقراها ويبتسم
قراها كثير قبل وحفظها حرف حرف
ولكنه تعود على وضعه
وتعود انه كل يوم يفتح الشنطه ويقرا الاوراق
================================================== ===
اخذ وحده من الرسايل الكثيره الي بين يديه وجلس يتذكر مناسبتها
جلس يتذكر وقت ماكان يحب الكوره بجنون
يتابعها في التلفزيون
يلعبها في الاستراحه
يناقش كل صغيره وكبيره فيها مع زملائه
يحاول يثبت ان فريقه هو الأفضل
بينما زملائه يعرفون حبه للكوره ويحاولون يرفعون ضغطه من باب المزح
تذكر كل هذا وبعد كل هالامور بدا يقرا الرساله ...
================================================== ===
انا عارفه انك تحب الكوره وكل وقتك برا بيتكم عشان الكوره
لكن ياليت تشيل هالأمور من راسك
بعدين يمكن اتركك تتابعها في التلفزيون
واحتمال مره وحده في الاسبوع فقط
علشان اعالجك من هذا الأدمان الي ماله مبرر
================================================== ===
قفل الورقه وابتسم ابتسامه غريبه:
ماكانت ابتسامة واحد مبسوط كثر ماهي ابتسامة واحد محبط

قلّب في الاوراق والي كانت اكثرها مجرد عتاب
وفي بعض الاحيان مجرد مزح
طلّع رساله ثانيه وتذكر مزحه صارت بينه وبينها
تذكر لما كان يسميها في رسايله عدوة التقدم
تذكر انه ارسل لها رساله بهذا الخصوص
ووصفها بعدوة التقدم
ولكنها ردّت عليه شارحه له الأسباب
================================================== ===
اوكي ياعبدالعزيز انا عدوة التقدم مثل ماتقول
لكن نظرتك لي مارح تكون سبب اني اغير نظرتي للموضوع
رسايلنا مارح تكون عن طريق جوال او ايميل
لأني مارح اعطيك جوالي هذا اولاً
وثانياً مااعرف للإنترنت
وعموماً المسافه قريبه وبيتنا فوق بيتكم
لذلك نكتفي بأختك الصغيره لنقل رسايلنا
ولو فيه حمام زاجل كان افضل بعد : )

حبيبتك / ام سعود .. او عدوة التقدم ; )
================================================== ===
استمر يضحك على كلمة عدوة التقدم
خصوصاً لما قالت انها تبي ترجع للحمام الزاجل
================================================== ===
فتح رساله ثالثه
ويمكن كانت اكثر رساله مازال تأثيرها على عزوز كبير
تذكر العناد بينه وبينها
وتذكر الاوقات الي يحب يرفع ضغطها فيها
تذكر اسلوبها في الرسايل اذا عصبت
وكانت هذي اكثر رساله عصبت عليه فيها
وكان ملزوم انه يقراها اول مره وهو على السرير مايقدر يتحرك

================================================== ===
تستاهل ...
قلت لك مليون مره اترك الكوره
هذي النتيجه ... وش استفدت الحين ؟
يعني عاجبك ان رجلك مكسوره وماتقدر تتحرك ؟
حرام عليك الي تسويه فيني وفي نفسك
الكل لاحظ وضعي بعد ماعرفت هالشي
اتعبتني معك ياعزوز .. ارحمني خلاص
وارحم نفسك من هالتفاهات
كل كلمه قلتها لك من قلبي .. الا كلمة تستاهل مجرد خربشة قلم مايعرف منه هو ابوسعود

حبيبتك ...
================================================== ===
جالس يتفرج على الرساله فتره طويله
قراها مره ثانيه وثالثه
كأنه اول مره يقراها
ارجعها لمكانه الي كانت فيه من فتره طويله
والله اعلم انها بتستمر فتره اطول
ورجع يستكشف الشنطه السحريه الي قدامه
طبعاً للكل هي شنطه عاديه
بالنسبه لعزوز شنطه سحريه
شنطه مالها وجود الي في الروايات وافلام الكارتون
لكن عزوز الوحيد الي يقول انها موجوده فعلاً !
================================================== ===
رجع للشنطه وحصّل شريط
شريط لأبونوره ...
لي ثلاثه ايام ماجاني خبر
هي الأغنيه المقصوده
والسبب مانساه ومارح ينساه
زواج زميله في الدمام
راح يحضر الزواج مع بعض زملائه
جلس من الأربعاء لحد الجمعه بالليل
الرحله كانت مره ممتعه
لأنه حضر زواج واحد من اعز زملائه
ولأنه سافر مع ناس الواحد مايمّل منهم
الشريط مكتوب عليه بقلم ازرق عادي (( ام سعود ))
وتذكر انها حسبتها من الأربعاء للجمعه
حصلتها ثلاثه ايام وارسلت له (( لي ثلاثه ايام ))
طبعاً الشريط كان برساله
ولكنه تعب من كثر مايقرا هذي الرسايل كل يوم
لذلك اكتفى بأنه يقرا كلمة (( ام سعود )) على الشريط
================================================== ===
عزوز الكل كان يناديه ابوسعود لأ اسمه عبدالعزيز
لذلك نسبت لنفسها لقب ام سعود

رسايلهم كثير مره
ولكن الموجود عند عزوز الإجابات فقط
واحياناً اسئله بدون اجابات !
لأن النصف الثاني دايم يكون عندها
والله اعلم وين مصيره الحين !!

فكّر كثير وقال في نفسه ...
عن جد كانت تحبني
ليه تغير رايها فجأه وصارت ماتبيني ؟
وامي المسكينه على نياتها تبيني احضر زواج مي
امي المسكينه تنظر لـ مي انها اختي
وكيف احضر كل الزواجات ولا احضر زواج اختي ؟
بيتنا وبيتهم واحد
وهي بنت خالي وانا ولد عمتها
مي كانت تحبني اكثر من ما تحب نفسها
معقوله الي صار يخليها ماتنظر لعزوز ابد ؟
ام سعود مسحت ابوسعود من راسها
شالته من راسها وحلم ان سعود يربط بينهم مااكتمل للحين !
فكّر كثير مثل كل يوم وماحصل اجابه
================================================== ==
تذكر ان صوت التلفزيون مرتفع
بس مالاحظ الا متأخر بعد ماترك الرسايل
وسمع صوت ممثله مصريه تقول :
طلئني يامحمود ... القواز بيننا اصبح مستحيل

ابتسم وهو يسمع هالحوار الي مدري كيف صاير : )
وقال في نفسه : يمكن لو تزوجت مي يكون لنا نفس مصير هالممثلين
يعني مارح نتفق لأننا غير بعض
كنا مثل بعض اول
لكن الحين غير بعض
ومي لها الحق في انها تسحب نفسها
وتمنى لها كل التوفيق في زواجها الليله

والتفت بكرسيه المتحرك جهة التلفزيون
وسمع الممثل يقول ... روحي وانتي طالئـ يا عديله
================================================== ===
م ن ق و ل


@@أبو صالح@@

@مســافــرللــوفــا@
01-09-2007, 02:11 AM
مشكوووووووووووووووووووووووووووووووووووووووور


هههههههههههههههههههههههههههههههههه
هههههههههههههههههههههههههههههههه
هههههههههههههههههههههههههههههه

قصة جميلة جدا

الله يوفقك ونستنا يا ابو صالح

المقام السامي
01-09-2007, 02:24 AM
والله قصه غاااااااااااااااااااااامضه ومشوقه بنفس الوقت


تسلم ابو صالح

عذب السجايا
01-09-2007, 02:16 PM
أشكركم من أعمااااااااااااااااااااااق

my heart

اخوي مسااااافر

واخوي فواااز على المرور

والحمد لله غن القصة أعجبيكم

((بس لا تنسوا تحكووها لغيركم))

ابو خالد
01-09-2007, 08:03 PM
حلوووووووووووووووووووووووووووووووووووووووووووووووو ووووووووووه تسلم على

هيك قصه

عذب السجايا
01-10-2007, 01:36 AM
|؛¤ّ,¸¸,ّ¤؛|تسلم حبيبي ابو خالد على الرد|؛¤ّ,¸¸,ّ¤؛|

أبو همام
01-24-2007, 05:50 PM
موضوع حلو لكن اا
ااا
عندي قصة حيه لا زالت فصولها لم تكتمل

الساحل الغربي
01-24-2007, 05:57 PM
جدا حلوه مشكور يا عذب السجايا

عذب السجايا
01-26-2007, 03:51 PM
مشكور ابو همام
الساحل الغربي ع المرور